သူဟာ ကျွန်မအတွက်တော့ ကမ္ဘာကြီးတစ်ခုပါဘဲ ။
ကမ္ဘာကြီးဆိုတာ ကျွန်မအတွက်တော့ မရှိမဖြစ်ပါဘဲ ။ ကျယ်ဝန်းလှသလို ကိုယ်မရောက်နိုင်တဲ့ နေရာ ၊ မသိနိုင်တဲ့နေရာတွေ အများကြီးပါ ။ လျှို ၀ှက်ဆန်းကြယ်တဲ့နေရာတွေ အများကြီးနဲ့ပေါ့ ။ သာယာအေးချမ်း နေရာတွေရှိသလို ဆိုးဝါးရက်စက်လှတဲ့နေရာ
တွေ ၊ မေတ္တာတရားတွေကို ခံစားရသလို ကြမ်းကြုတ်ရက်စက် လိမ်လည်လှဲ့ဖျားမှုကိုလည်း လွှမ်းခြုံထားပါသေးတယ်။
သူဟာ ကျွန်မအတွက်တော့ စာအုပ်တစ်အုပ်ပါဘဲ ။
စာအုပ်မှ ရသစုံပါတဲ့ စာအုပ်ပါဘဲ။ ကျွန်မကို ဗဟုသုတ ၊ အချစ်အကြောင်း ၊ အလွမ်းအကြောင်း ၊ လောကအကြောင်း အစုံအလင်
ကိုခံစားသိနားလည်စေပါတယ် ။ တစ်ခါတစ်ခါ သဲထိတ်ရင်ဖို ဇာတ်လမ်းတွေတောင်ပါသေးတယ် ။ ဒါပေမဲ့ တစ်ခုဘဲရှိတယ် ။ ကျွန်မ လက်ရှိစာမျက်နှာကိုဘဲ သိနိုင် ၊ဖတ်နိုင်ပါတယ် ။ ဒီစာအုပ် ရဲ့ နောက်တစ်မျက်နှာဟာ ကျွန်မအတွက် ငိုစရာလား ၊ ပျော်စရာလား ၊ အချစ်တွေလား၊ သစ္စာတရားလား ၊ ဖေါက်ပြန်မှုလား ဆိုတာ လုံးဝမသိရိုးအမှန်ပါ။
သူဟာ ကျွန်မအတွက်တော့ တရားဟောဆရာတစ်ယောက်ပါဘဲ ။
လောကမှာ ဘယ်အရာမှမတည်မြဲဘူး ဆိုတဲ့တရားကို သူပြတယ် ။ ကျွန်မ သိပ်မသိတဲ့ နက်ရှိုင်းလှတဲ့ ဒဿန အကြောင်းတွေ လူမှုဆက်ဆံရေးတွေကို သေချာသင်ပြပေးတယ်။ အထူးသဖြင့် ဘယ်အရာမှ တစ်သမတ်ထဲ မရှိဘူးဆိုတာကိုပေါ့ ။
သူဟာ ကျွန်မအတွက်တော့ သူငယ်ချင်းကောင်းပါဘဲ။
သူဟာ ကျွန်မအတွက်တော့ ရန်သူတစ်ယောက်ပါဘဲ။
သူဟာ ကျွန်မအတွက်တော့ ကိုယ်ရံတော်ပါဘဲ။
သူဟာ ကျွန်မအတွက်တော့ သစ္စာဖေါက် တစ်ဦးပါဘဲ။
သူဟာ ကျွန်မအတွက်တော့ မရှိမဖြစ် ပါဘဲ။
သူဟာ ကျွန်မအတွက်တော့ မရှိလေကောင်းလေပါဘဲ။
သူဟာ ကျွန်မအတွက်တော့ --------------------
ဘာတွေဘဲ ဖြစ်နေဖြစ်နေ သူ့ကိုကျွန်မ သိပ်ချစ်တယ်။ အသက်ထက်ချစ်တယ်။ ဘ၀တစ်ခုလုံးထက်ချစ်တယ်။
Subscribe to:
Post Comments (Atom)
No comments:
Post a Comment