တစ်စုံတစ်ခု
ကျပျောက်သွားတဲ့အခါ
တစ်စုံတစ်ခုလစ်ဟာစမြဲ
မျက်နှာသစ်
မျက်နှာဟောင်းများကြားမှာ
လေဟာနယ်တစ်ခုဖြစ်တည်ခဲ့
သူ့တစ်မျက်နှာလေးနှုတ်လိုက်တော့
ပတ်ဝန်းကျင်ဆိုတာ စိတ်ဝင်စားဖို့ကောင်းတဲ့
သတင်းတစ်ပုဒ်မဟုတ်တော့ဘူး
လွမ်းစိတ်က
စမ်းရေစီးသလို သဲ့သဲ့ကလေး
တယောထိုးသလို ညက်ညက်ကလေး
ခိုးဝှက်ရှိုက်သံလို သိမ့်သိမ့်ကလေး
ငှက်ကလေး . . . ဟိုး
အဝေးကိုပျံသွားပြီ
လှုပ်ခါသွားတဲ့သစ်ကိုင်းပေါ်မှာ
သတိရခြင်းတွေ
ပေကျံတိုက်ချွတ်မရ
သော့ပျောက်လို့ဖွင့်မရတဲ့အခန်းလို
ပျော်ရွှင်မှုတွေထည့်သွင်းမရ
ဘ၀တစ်ခုလုံးပြာကျသွားတဲ့အထိ
မျှော်လင့်ခြင်းမှတ်တိုင်မှာ
စောင့်နေဦးမယ့်သစ္စာတရား
ကမ္ဘာဦးကပျိုးခဲ့တဲ့မီးဟာ
ခေတ်အဆက်ဆက်လောင်ခဲ့တယ်
သူကတစ်ဆင့် ငါကတစ်ဆင့်
သမုဒယမီးလျှံကြားမှာ
ပျံသန်းခဲ့သော
လိပ်ပြာခြေရာများအတိုင်း
အဆုံးမရှိသဘာဝ
Subscribe to:
Post Comments (Atom)
No comments:
Post a Comment